“你哋啲村仔佬,有车你搭都已经益晒你哋啦!”

以下栏目:

使用粤语讲述,广式文明用语将不再屏蔽,敬请留意。

故事情节均为虚构,如有雷同,纯属巧合。

Sorry,Cantonese only.

*节选自《新农村访谈》第67期。

我叫阿负,系一个巴士司机,不过我宜家都就嚟退休了,所以一日就翻半日工,上午翻那洲打麻将,下午去外沙车厂,拿部车出来碌几个圈,天一黑又可以收工,泊好部车出下栅墟买餸,一日就咁样过L咗去。

正所谓十个光头九个富,不过呢,宜家就真系十个光头九个负资产,工资呢几年都冇变过,宜家半退休返聘,就只能开单班,工资少咗,唯有求麻将台赢多啲。

我份工都算特别了,可能系我技术好,公司专门安排我开村巴。记得2000年嗰阵,下栅开咗条村巴,叫“67”,去嗰条得翻几丁人嘅会同村,领导第一时间叫我去开呢条咁嘅线。我心谂,屌你居然叫我开碌柒,又真系几碌柒。

最奇撚怪嘅系,开条村巴居然用部10米广客,大佬你玩嘢啊,条路咁撚窄又多弯,得2米宽嘅路你叫我开部10米大巴入村?每次啲村民上车,每次都嫌三弃四,又话我开车开得慢,又话条碌柒班次少,70分钟先一班车。屌你乸,你班村仔佬,有车你坐已经好撚唔错啦,仲啊支啊左?

后来,公司换左台7米小巴俾我开67,总算唔使惊开下开下部车撞树了,你班L样村民成日话我开车慢,我一于快俾你睇。唔知边一年清明,嗰几条村仔有好多人翻去拜山,我开咁耐村巴第一次见到顶闸,我心谂,系时候要展现车神负嘅一面了。我喺条村道上碾到七八十,播紧啊谭咏麟嗰首《小生怕怕》,班村仔佬喺到fig下fig下,左摇右摆,都唔知几high。

不过,我嫌开碌柒工资少,走咗去开68,呢段时间,我就似咸鱼一样,同其他早晚班司机冇乜差别,港湾线个个都系车神,我又碾唔过佢哋,认真冇mood。终于,我同公司申请调翻去开碌柒,再后来,67分拆成67同71,71去永丰十三村,每条村得几户人,更加“村仔feel”,啲路更弯,而且仲窄过以前条线。

虽然我出身喺那洲呢条大村,但系我觉得,越系偏僻嘅村仔,对巴士嘅要求越高。迟到1分钟,屌你;冷气唔够冻,屌你;播谭咏麟嘅歌,屌你;到总站唔打麻将,屌你……总之,就系搵到理由屌你。村仔佬上车,打招呼唔系话“你好”、“早晨”,而系“屌你头先点解唔出銃俾我”,开一趟车,就俾人屌足几十次。

开村巴,虽然收入少,但系胜在够得闲,麻将先系我嘅终身事业,揸巴士,只系帮手搵翻啲筹码钱。你问我,点解咁中意开村仔线?因为每条村仔线嘅总站,都总有一档麻将等住我,就系咁简单。

《“你哋啲村仔佬,有车你搭都已经益晒你哋啦!”》有2个想法

发表评论

邮箱地址不会被公开。